"№5 Мақтаарал мектеп-гимназиясы" КММ-де халық жазушысы, қоғам қайраткері, жазушы, драматург Ғ. Мүсіреповтің 120 жылдық мерейтойына арнап "Ғабит Мүсірепов-сөз зергері" атты жас ақындар мүшәйрасы өткізілді

24.10.2023ж. "№5 Мақтаарал мектеп-гимназиясы" коммуналдық мемлекеттік мекемесінде халық жазушысы, қоғам қайраткері, жазушы, драматург Ғ. Мүсіреповтің 120 жылдық мерейтойына арнап "Ғабит Мүсірепов-сөз зергері" атты жас ақындар мүшәйрасы өткізілді. Мүшәйраны өткізудегі мақсат: жазушының өнегелі өмірімен танысу, рухани асыл мұраларын насихаттау. Шығармашылықпен жұмыс істеуге дағдыландыру, өлең жазуға машықтандыру.

Іс-шараны ұйымдастырушылар: қазақ тілі мен әдебиеті пәні мұғалімі Белхожаева Айжамал және Сапарбай Бибі. 

Мүшәйраға 6-9-сынып оқушылары қатысты. Сайыс үш кезеңнен құрылды: алғашқы кезеңде еркін тақырыпта, екінші кезеңде халық жазушысы Ғ. Мүсіреповке арнап өлеңдер шығарды. Ал үшінші кезеңде қатысушыларға әр түрлі тақырып беріліп, сол тақырып бойынша оқушылар өлең шығарды. Әділ қазы алқалары өлеңнің мазмұнына, ұйқасына, буын санының сәйкестігіне мән бере отырып, мүшәйра жеңімпаздарын анықтады. 1-орын. Ермахан Жаңылай 8 "А" сынып оқушысы

2-орын. Сейдешова Еңлік 6 "А" сынып оқушысы

3-орын. Қойшыбай Сабина 8 "Б" сынып оқушысы

3-орын. Жамантай Аяжан. 9 "Ә" сынып оқушысы

Жас ақындарға қаламың ұштала берсін, өлең жазуды дамыта беріңдер дегіміз келеді.